Jumat, 18 Januari 2013

Acara Penguburan


ACARA KEBAKTIAN PENGUBURAN
PARMONDING NI AMANTA HIRAS SIHOMBING (GELAR OP.ASIMA SIHOMBING)
USIA 74 TAHUN, DI SIMAMORA, 18 JANUARI 2013
ACARA DI HUTA
1.       VOTUM
P             : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia.
P + J       : Amen
2.       MARENDE HURIA NO: 86: 5
Silang nabadia i, Ho ma lombulombungki; Molo puas hodokhi, di nasuda bohalhi. Di sude sitaonon i, Ho ma lombulombungki
3.       MANDOK HATA/ MARKOOR:
A.      SIAN PUNGUAN INA MARANATHA
B.      SIAN PUNGUAN INA PAR ARI KAMIS
C.      SIAN PARHALADO
4.       MARENDE HURIA NO: 334: 1- 2
1.       Nasa jolma ingkon mate, ingkon mago sibuk i. Namangolu ingkon mate asa tung denggan muse. Danging on do gabe bangke, jala ingkon do malangke, asa sogot bangkit i tu hasangaponNa i.
2.       Ipe ndang be juaonku roha ni Debatangki. Lehononku do hosangku ndang be marsak au disi. Ai di bugang ni Jesusku dapot au hangoluanku. Ala hamamate ni do tarapul rohangki.
5.       MANJAHA AYAT: Nungga tarbondut hamatean, nungga suluk hamonangan. Jo hamatean didia hamonanganmi? Jo hamatean didia soropmi? Dibahen i, mauliate ma rohanta tu Debata napamonang hita maralohon dosa dohot hamatean i, marhitehite Tuhanta Jesus Kristus.
Martangiang ma hita: Ale Tuhan Debata Ama nami na di banua ginjang. Nungga dilehon Ho AnakMu Tuhan Jesus Kristus tu hamatean ala ni dosanami, jala dipahehe Ho do Ibana sian hamatean tu hangoluan, asa dapotan hangoluan dohot hatigoran hami. Asi ma roham di hami, sai ajari ma hami asa unang mandele ala naung jumolo mrujung ngolu ni dongannami on. Patogu ma haporseaon nami jala pabenget rohanami mangkirim di hangoluan sogot, asa unang sai marsak hami songon halak sipelebegu naso marpangkirimon di hangoluan napinatupa ni AnakMu Tuhan Jesus Kristus. Taiti ma rohanami tu Ho, ai Ho do pangapul nasumurung di hami. Tu Ho do hami marhaporusan, jala marsigantung tu Ho do hami sahat ro di hasusuda ni ngolunami sian tano on. Sai parrohai ma hami mamilangi ariari ni ngolunami, asa dapotan rohanabisuk hami, jala anggiat tarsunggul hami mamingkiri ujung ni langkanami sian tano on, laho manjalo tumpal hangoluan si salelengnilelengna, na pinadiri ni Tuhan Jesus  Kristus di hami. Amen
6.       JAMITA:  Johanes 14: 6 “Didok Tuhanta Jesus Kristus: “Ahu do  dalan i dohot hasintongan dohot hangoluan. Ndang adong nasahat tu Ama i, ia so marhite sian Ahu”
7.       MARENDE HURIA NO:  383: 4
Molo masihol ho muse di au, ingotma na di Surgo i do au; Dapothon au tu Surgo i, ai ho pe dohot do di si. Lao ma au, lao ma au tu na di Surgo i,  Lao ma au, lao ma au tu na di Surgo i. Dapothon au tu Surgo i, ai ho pe sonang do di si.
8.       PASUPASU LAHO MANUTUP BATANG
9.       MARENDE HURIA NO: 195: 1 – 4 (DITUTUP MA BATANG LAOS BORHAT MA TU UDEAN)
1.       Holong do roha ni Debatangku, holong rohana tongtong di au. Ai dipatupa do haluaonku marhite Jesus Anakna i
2.       Tarihot au dibahen dosa naso tarbahen malua au. Dibahen i hudok holong do roha ni Debatangku tongtong di au.
3.       Peak do au di hamatean dibaen sibolis pagagoi. Dibahen i hudok holong do roha ni Debatangku tongtong di au.
4.       Na ro do Jesus pardameanku parmahan bolon naburju i. Dibahen i hudok holong do roha ni Debatangku tongtong di au.

ACARA DI UDEAN
1.       MARENDE HURIA NO: 336: 1
Sonang ma modom ho namartua i. Namaradian sian ulaon i. Naniulamu di hajolmaon jala namangihut ho tu Surgo.
2.       MANJAHA AYAT
Tangkas do huboto, namangolu do sipangolu ahu, jala Ibana parpudi jongjong di atas orbuk. Jala ia malangke hulinghulingkon, jala malua ahu sian sibuk pardangingon, idaonku ma Debata na manompa dohot namanobus ahu, Ibana hatuonku. 
3.       MANDABU TANO
4.       MARTANGIANG SIAN AGENDA
5.       MARENDE HURIA NO: 338: 1
Hehe do muse pamatangkon sian tanoman on. Suang mangolu bahenon ni Tuhanku, haleluya, haleluya
6.       RAP MARTANGIANG MA HITA DI TANGIANG HATOPAN:
ALE AMANAMI + PASUPASU
7.       MANDABU TANO MA KELUARGA NANG NATOROP, SISOLHOT MARDONGAN HATA NI DEBATA
8.       MARENDE HURIA NO: 347: 1 + 3
1.       Sai masipaidaan do naporsea i. Dung sahat be langkana tu hasonangan i, tu hasonangan i, tu hasonangan i.
3.       Sai masipaidaan ma hita on muse. Dilambung ni Tuhanta dung monang hita be, dung monang hita be, dung monang hita be.
9.       MANDOK HATA MA PADUA NI SUHUT

SEGENAP  WARGA  JEMAAT  DAN PARHALADO HKI  SIMAMORA
RESORT  PANIARAN    SIMAMORA
MENGUCAPKAN  TURUT  BERDUKA  CITA  ATAS  MENINGGALNYA
BAPAK OP.ASIMA SIHOMBING
SELAMAT  JALAN  UNTUKMU BAPAK
TUHAN  JESUS  YANG  MENERIMA  MU  DISISINYA.
By: Pdt.L. F. Simanjuntak, S.Th
cc.file, www.blogspot.hkipaniaran: SULUH IMAN

Tidak ada komentar:

Poskan Komentar