Khotbah Minggu, 11 Nopember 2012
Khotbah Minggu, 11 Nopember 2012
Ep: Psalmen 146; Ev: Heber 9: 24-28
Jesus do Pangurupi di Hita
Targoar do Jesus Anak ni Debata, Raja, dohot Malim Bolon. Goar on
napaboahon natutu do Jesus i Anak ni Debata, atikpe sian jolma i Jesus
tubu, ndada namandok Jesus i naso Anak ni Debata. Ai sangkap ni Debata
do napatupaon i. Didok Jesus i Raja, ala Ibana namarhaso diportibion. Ai
nang pe adong raja/ panggomgomi ni portibion, ndada nasida nagumogo
sian Debata, boi idaonta uju Jesus nadipanguhuman ni si Pontius Pilatus
ro si Herodes mambaen baju harajaon ni portibion, diroha ni si Herodes
namangalea do ibana, ndang diboto Jesus i tutu do Raja. HuasoNa do gok
liat portibion. Didok Jesus i Malim Bolon, ala Ibana olo mangalehon
hosa mate dihau parsilang, tradisi parugamoon ni halak Jahudi napatupa
sada perayaan ganup taon dibagasa Joro i pasahat pelean situtungon.
Angka malim namanghobasi di bagas Joro i do naboi patupa pameleon di
angka pelan situtungon nabinoan ni angka bangso/ umat Israel di
langgatan pamelean i, holan sebatas i ma hulaon ni nasida diperayaan ni
halak Israel napinatupana ganup taon.
Diperayaan napinatupa ni halak Israel ganup do nasida mamboan pelan
situtungon ni nasida tu Debata, pelan napinasahat ni nasida i adong ma
pelan las ni roha, pelan hasesaan ni dosa, pelean mangido pangurupion,
pandonganion ni Debata, pelan mangido pasu-pasu ni Jahowa, dohot angka
lan naasing dope naboi idaonta di Bibel i. Sian tugas, peranan ni angka
malim ni halak Israel naparjolo i nataida andul marasing do sian Jesus.
Molo angka malim ni halak Israel i holan perantara/ napasahat pelean
situtungon i do, alai anggo Jesus lobi sian i, diriNa sandiri do
dipeleon Ibana gabe pelean pardenggan ni jolma tu Debata. Tangkas taboto
mula ni jolma madabu tu dosa, gabe ndang tarbaen ni jolma i be
pajumpang, manghatai langsung dohot Debata. Namambaen i ala naung
mangalaosi jolma i dipatik ni Jahowa.
Ala pengorbanan ni Jesus i laho manobus dosa ni jolma i, gabe jumpa
dapot ni jolma i ma hangoluan namanontong mardongan panghirimon dohot
haporseanna di ngoluna. Jesus i nama dalan asa jumpa di jolma i ngolu
namanontong, ido umbaen didok Ibana: Ahu do dalan i dohot hasintongan,
dohot hangoluan, ndang adong nasahat tu Ama i anggo so marhite sian Ahu
(Joh. 14: 6). Ndang adong be dalan naasing naboi sidalanan ni jolma i,
holan dibagasan Jesus ma, aha namasa di parngoluan ni halak Kristen
naparjolo i namangadopi tantangan sian angka pengajar naso mangakui
Jesus sipalua, patupa hangoluan ni jolma mambaen haporseaon ni nasida
ganggu, dibaen i ma disurat angka Apostel surat on tu halak Kristen/
Heber na diparserahan i asa togu, jala marsihohot nasida dihaporseaon
tu Jesus Kristus i.
Didok, holan sahali do Jesus i patupa hangoluan di jolma, dohot
mengalami hamatean, bukan berarti ndada masa be hangoluan ni halak
Kristen diparngoluan nanidalananna siganup ari/ dipartingkian on. Tuk do
hagogooanna napatupa hangoluan manaluhon dosa dohot hamatean dibagasan
naung hehe, manaek Jesus tu habangsa ni Debata. Ndada songon napinatupa
ni jolma haluaon napinatupa ni Jesus i. Marhite namarsihohot hita
marhaporseaon di Jesus hape pe namasa nataadopi dingolu on, arsak,
parungkilon, dohot pangaleleion, lan angka na asing pe mandao do i sian
hita, manang ndang tuk i paagohon hita. Jesus i nama pangurupi di hita
disaluhut rumang ni parngoluon natabolus di ngolunta on.
Panghaporseaonta di Jesus i naingkon patuduhononta ma di angka
pamujionta di Debata, jala namambaen Tuhan i nagabe pangurupi na. Ai
didok do martua ma manang ise namambaen Debata ni si Jakkob pangurupina,
marpangkirimon ibana di Jahowa Debatanta (Psalmen 146: 5)
Antong taben ma Jesus i pangurupinta, asa jumpa dihita angka hatuaon diparngoluonta on. Amen
Tidak ada komentar:
Posting Komentar