Khotbah Minggu, 18 Nopember 2012

Jamita Minggu, 18 Nopember 2012

EP: Daniel 12 : 1 - 3; ojahan ayat: 3 Jamita: Heber 10 : 19 – 25; SP: 2 Pet. 4: 10

Manontong ma ho pajonokkon diri tu Debata

Andul marasing do dalan naboi sipatuduon ni hita jolma tu donganta sian dalan napinatupa ni Jesus. Molo hita holan napatudu dalan do alai ndang hea mamboan sian dalan i, molo Jesus Ibana patupa dalan i dohot mamboan hita mardalan di dalan i. Dia ma dalan napinatupa ni Jesus dohot naung tadalani i? Ima dalan hangoluan. Dalan hangoluan manuju habangsa ni Debata.

Surat Heber on disurat laho patoguhon haporseaon ni halak Kristen namangadopi parsorion nang hamaolon sian angka pengajar sesat (naso manghaporseai Debata). Adong 3 hal impola nasinurat ni panurat Heber on:

1.              1. Jesus ima Anak ni Debata nalobi marhuaso sian angka panurirang di Padan Narobi

           2. Jesus ima malim nalobi marhuaso sian angka malim na di Padan Narobi. 

           3. Dibagasan Jesus saluhut halak naporsea dipalua sian dosa, hatahuton dohot hamatean

Dijamita sadarion diajak do hita halak Kristen asa tekun/ manontong hita di Jesus, dohot patupa angka ulaon nasintong di adopan ni Debata marhite naringgas marparasoran dohot Tuhan i.

Ayat 19 – 21, Yesus patupa dalan naimbaru, jala sahalak malim nabolon

Di jamita minggu tanggal 11 Nopember 2012, tangkas do taboto, ia halak Israel sahali sataon sai patupa sada perayaan khusus do ima perayaan di hasesaan ni dosa. Perayaan i dipatupa marhite napatupa pelean situtungon dilanggatan situtungon i, namartugas patupa i ima angka malim nadibagas joro i. Lapatanna holan namamboan pelean situtungon do halak Israel jala dipasahat ma i tu angka malim namartugas di joro i, ndada boi nasida langsung tu laggatan i (bnd. Heb. 9: 7). Dihamamate ni Jesus i di hau pinarsilang gabe malim bolon ma Ibana; dipeleon Ibana dirina, mudarna gabe pelean nabadia jala pelean nasingkop lao tu hangoluan salelengna (Ibrani 10: 10 - 14). Ibana sandiri bertindak patupa dalan i ido umaen didok di Joh. 14: 6 “Ahu do dalan i dohit hasintongan dohot hangoluan. Ndang adong nasahat tu ama i, ia so marhite sian Ahu”.  Molo dung madabu jolma tu dosa ndang tarbaen jolma i be pajumpang di Adopan ni Debata, alai marhite Jesus i gabe tarbaen hita ma nuaeng ro jonok tu Debata jala pajumpang dohot Debata.

Ayat 22 – 23, Mandapothon Debata marhite haporseaon nasintong dohot na togu

Ganup halak naporsea jala najumpang goarna dipustaha hangoluan i dapotan hangoluan do (Daniel 12: 1 - 3). Alani ingkon satia jala manontongma panghaporseaonta di Tuhan i marhite hasatiaonta mamuji, manomba Ibana. Unang gabe lupa hita marsaor tu Ibana alani angka sinamot dohot kesibukanta diangka ulaon/ parkarejoanta, ingkon do parhatopotonta saluhutna i nasian Debata do. Molo alani angka ondeng i do hita gabe ndang marsaor dohot Tuhan i berarti naso mamboto mamilangi silehon-lehon ni Tuhan i do hita.  Kesuksesan dan kekayaan dapat membuat orang lupa dengan Allah bahkan persoalan hidup dan penderitaan bisa meyebabkan manusia ragu pertolongan dan keberadaan Tuhan.

Ayat 24 – 25, Masiantoan, masijujuan dibagasan holong jala unang tatadinghon parpunguanta i.

On sada kebutuhan namanasai ringkot do dingolu nii hita jolma. Ai hidup dengan sendiri ndang boi, asai ido tujuan ni Debata manompa jolma bao dohot boru-boru asa boi do masiantoan, masiurupan diparngoluonna. Nagabe halak Kristen hita inhkon do patupaonta ulaon namasiurupan, masijujuan diangka nadenggan tu kepentingan bersama. Marhite holong ma hita patupa i saluhutna. Marhite natapatuduhon holong tu donganta disi ma hita pataridahon paboa siihuthon Kristus i do hita. Ndada boi holong i tapatudu holan napatupa pangurupion alai ingkon do marparsaoran, marminggu dibagas joro i, ai tindakan/ parbue ni parsaoran i do pangurupion i (bnd. Jak. 2: 17; Gal. 5: 22) Tentu tidaklah cukup ibadah dilakukan dengan tugas praktis mengasihi orang lain, kita juga harus beribadah bersama. Ada beberapa orang meninggalkan ibadah digereja dengan alasan misalnya :

III.   Kesimpulan

1. Jesus do dalan napadomu hita tu Debata

2. Ingkon tapajonok ma tu Debata marhite haporseaonta natogu di Ibana

3. Dumengganan do jonok tu Debata sian padohon diri sian Ibana

4. Marharinggason tu parsaoran boi gabe patubu holong tu dongan

Penulis: Likson F.Simanjuntak